Ниту еден!? Бргу исправете ја грешката! Доматот спаѓа во зеленчукот кој секој ден би требало да се наоѓа во вашето мени. Богат е со витамин Ц, кој го потикнува имунитетот. Содржи ликопен за кој докажано дека го забавува стареењето и го намалува ризикот од рак, особено ракот на простатата и дебелото црево...

Ликопенот дури го штити и нашиот генетски материјал од оштетување и болести, а истражувањата покажуваат дека благодарение на ликопенот ризикот од кардиоваскуларните болести кај лицата кои секојдневно јадат домати е понизок со 29%. Ликопенот наводно е многу драгоцен за жените кои се во менопауза затоа што го намалува ризикот од остеопороза.

Доматот го стимулира производството на карнитин, за кој е докажано дека го забрзува согорувањето на масните наслаги за повеќе од 30%.

Доматот во свеж и преработен облик го намалува нивото на холестерол и триглицериди во крвта. Исто така позитивно влијае и на циркулацијата на крвта, со што го намалува ризикот од атеросклероза.

Овој зеленчук е богат и со бета каротен, лутеин и зеаксантин, фитунутриенти кои го чуваат видот и го намалуваат ризикот од дегенеративни болести на очите.

Освен тоа, доматот е вкусен, без оглед дали се јаде сам, измиен и исечен на парчиња, како салата со фета сирење и босилок, со краставица, кромид...