Компанијата Sharp планира до крајот на годината да пласира смартфон со сензорски 3D екран и 3D камера...

И двата сегменти, кои јапонската компанија ќе ги произведува самостојно, ќе бидат претставени оваа година, а како што е најавено во Токио 3D сликите на екранот на паметниот телефон ќе можат да се гледаат без специјални наочари.

Се очекува дека смартфонот ќе биде пласиран во неколку земји истовремено, но Sharp не објавил карактеристики на удедот ниту пак неговата цена, пренесува Ројтерс.

Оваа компанија пласирала три-димензионален LCD екран во април 2010 година, во споредба со претходната генерација на LCD, јачината е двојна, а острината на екранот е зголемена за десет пати.

Дијагоналната големина на смартфонот ќе биде 3.4 инчи, а три-димензионалната слика со висока резолуција ќе се задржува при ротација на уредот од ветрикална во хоризонтална положба.