Скопје ќе биде домаќин на Skopje Blockchain+AI Hackathon следниот викенд, што ќе биде добра шанса за сите заинтересирани за овие технологии, да работат со професионалци со искуство. Учесниците ќе имаат прилика да се запознаат со луѓе кои работат на стартапи и со истомисленици. Секако ќе има можности и за запознавање на нови луѓе и дружење.

Учесниците ќе работат на блокчејн и вештачка интелигенција, а ќе има и неколку предизвици. Првиот предизвик кој е веќе најавен доаѓа од CEED Hub „Креирање на маркетинг или дигитални алатки кои ќе го намалат проблемот со пластичен отпад во Скопје“.

Ментори кои ќе им помагаат на учесниците на овој настан ќе бидат:

• Анастасија Мороз – Бизнис девелопмент во Weatlas
• Алекс Орозко – Сениор софтвер инженер во Amazon Web Services кој има големо искуство во работа со стартапи и публикации за Artificial intelligence research in computer vision. ;
• Едмунтас Еди Балчоконис – B2B советник во Bitdegree.org – бесплатна онлајн едукативна платформа изградена на блокчејн. Претходно, ко-основач и CEO на TrackDuck.
• Митко Цабевски – Претприемач и Product Development Executive;
• Јане Узуновски  – Growth/Customer & Success/Partnerships во EmbedSocial.

„Учесниците ќе имаат можност да работат со експерти кои имаат големо искуство со блокчејн технологија и вештачка интелигенција.“ – вели Алекс Орозко, еден од организаторите на настанот.

Хакатонот се одржува од 22 до 24 јуни во Јавна соба. Учеството е бесплатно, а ќе има и пригодни награди за најдобрите.

Настанот е поддржан од SwissEP, Startup Macedonia, Womenpreneurs Stories, Public Room, CEED Hub Skopje, Brainster и GSIX. 

Заинтересираните може да се регистрираат на Eventbrite.