Лига на Шампиони Луис Фиго е среќен што Интер се среќава со Шалке во четврт-финалето од Лигата на Шампионите но предупредува дека победата на секој натпревар се заслужува долу на теренот

Нероаѕурите имаа среќа на ждрепката во Нион и добија релативно лесен противник во екипата на Шалке.

“Мислам дека сите така наречени големи клубови сакаа да играат против Шалке.” – рече директорот на Интер, Луис Фиго.

“Секако дека сум среќен со ждрепката но на ова ниво во фудбалот не можете да преферирате еден противник на сметка на друг бидејќи секој натпревар се победува долу на теренот.”

“Шалке е квалитетна екипа, имаат многу добра група на фудбалери и тие ја елиминираа Валенсија, екипа која е одлична.”

“Но како што реков, со оглед на сите тимови кои можевме да ги добиеме за противник, мислам дека имавме среќа.”

Запрашан дали со триумфот над Баерн Минхен, Интер ја обновил вербата во способностите за триумф во Лигата на Шампионите, Фиго одговори: “ Тимот покажа дека има голем глад и желба за успех откако претходно помина низ тежок период.”

“Тоа беше потврда на квалитетот на фудбалерите и тренерот, и колку одлучно посакуваме да отидеме до самиот крај оваа сезона.”

Морати и Мурињо се надеваа дека Интер и Реал Мадрид нема да се сретнат во четврт-финале а денешната ждрепка го донесе токму тоа.

“Од сентиментална гледна точка, се сложувам дека играњето со Реал Мадрид во моментов нема да биде најдобра работа.”

“Но секогаш сум велел дека треба да бидете подготвени да го победите секој противник доколку сакате триумф во Лигата на Шампионите.”

Powered by: 24 FUDBAL.com.mk