Англија Капитенот на Челзи, Џон Тери смета дека Сините имаат искусен состав кој може да функционира и по завршувањето на оваа сезона.

Со две победи во серија, одлична игра во последниот натпревар против Болтон и изборената висока победа од 4-0, се чини дека Челзи зад себе го остава кризниот период кој беше навистина голем.
Кризата низ која помина Челзи постави многу прашања, едно од нив е дали составот на Карло Анчелоти е премногу стар за биде и понатаму конкурентен за титули.

Запрашан дали овој тим има иднина и по завршувањето на оваа сезона, Тери одговори:

"Се надевам. Сите знаеме немаме широк состав и клубот разгледува различни опции".

"Не сакам да навлегувам во тоа, но сметам дека и доколку немаме нови засилувања можеме да функционираме одлично до крајот на сезоната".

"Знаеме дека луѓето не стравуваат повеќе од нас. Но поракате е, тоа што не се плашите од нас, може да биде лошо за вас".

"На почетокот од сезоната луѓето велеа дека покажуваме големо искуство со играчите што ги имаме. Три месеци подоцна велат дека сме биле премногу стари".

"Имаме играчи кои се 30, 31, 32. Имаме и млада крв која доаѓа. Имаме одличен микс на фудбалери".

"Една работа не можете да одтргнете од овој состав, тоа е победничкиот менталитет. Тоа се прелева на секој што доаѓа во оваа група. Треба да победувате на тренинг, треба да победувате на натпреварите".

Powered by: 24 FUDBAL.com.mk