Англија | Лукас Леива вчера се обрука и му подари гол на Џејми Варди, но ги освои срцата на фановите на Ливерпул откако реши да се пошегува на своја сметка...
Бразилецот вчера беше прекомандуван во срцето на одбраната откако Дејан Ловрен се повреди на последниот тренинг.
Кон финишот на првото полувреме, Лукас Леива се обрука и му подари гол на Џејми Варди со кој Лестер се врати во игра, откако претходно Ливепул доминираше и со головите на Фирмино и Мане стигна до убедлива предност од 2-0.
Под притисок од Оказаки, Лукас Леива реагираше панично и топката му ја подари на Џејми Варди кој од пет метри рутински ја затресе празната мрежа.
За негова среќа, „Црвените“ продолжија со исто темпо и во вториот дел, и со погодоците на Лалана и Фирмино на крајот стигнаа до висока победа од 4-1.
По крајот на средбата, Лукас Леива се пошегува на своја сметка и ги освои срцата на фановите кои веднаш го заборавија неговиот кикс.
„Мојата прва асистенција во десет години!” – рече Бразилецот и ги насмеа сите.
Извор: 24FUDBAL.com.mk
