Англија Робин ван Перси вели дека треба уште да се докажува за да може да се споредува со Лионел Меси.

На почетокот од овој месец, Арсен Венгер изјави дека Робин ван Перси би можел да биде на нивото на Лео Меси доколку ги немал проблемите со повредите.

Напаѓачот на Арсенал, Робин ван Перси вели дека треба да биде фит, за да може да се докаже, па потоа да се споредува со Меси.

"Треба сеуште да го докажам тоа. Ова се навистина големи зборови, бидејќи фудбалерите како Меси се неверојатни. Рано е да се каже" - вели Перси.

"Тоа не е притисок врз мене, но се надевам дека еден ден ќе можам да бидам на тоа место. Мислам дека имам квалитет за да го направам тоа, но потребно е време, потребни ми се натпревари, и потребно е да бидам фит".

"Се надевам дека уште многу ќе дадам. Сакам само да имам сезона без повреди и да бидам среќен" - заврши Робин ван Перси.

Powered by: 24 FUDBAL.com.mk