Шпанија | Медиумите од Шпанија пренесуваат дека фудбалерот на Реал Мадрид, Лука Модриќ би можел да паузира помеѓу 12 и 16 недели...



Репрезентативецот на Хрватска се повреди на дуелот со Италија во неделата, и вчера се врати во Мадрид каде веднаш замина на детални прегледи.
 
’Кралевите’ вчера во вечерните часови соопштија дека МРИ снимките покажале дека Лука Модриќ заработил парцијално кинење на тетивата во мускулот на левата натколеница.
 
Реал Мадрид не пренесе колку време играчот ќе биде надвор од стројот, но според медиумите од Шпанија, плејмејкерот го чека долга пауза.
 
Извештаите велат дека прогнозите се многу попесимистички од првичните прогнози кои велеа еден месец пауза, како и предвидувањата на првиот човек на медицинскиот тим на ’Коцкастите’, кој истакна дека Лука Модриќ ќе паузира до крајот на годината.
 
AS и Macra, весници кои се блиски до раководството на ’Кралевите’, пишуваат за пауза од три до четири месеци.
 
Лука Модриќ најверојатно на терените ќе се врати во февруари 2015, и би можел да пропушти околу 20 натпревари.
 
Ваквите вести беа потврдени и од Фудбалската Федерација на Хрватска.

Извор: 24FUDBAL.com.mk