Шпанија | Тренерот на Реал Мадрид, Карло Анчелоти застана во одбрана на фудбалската филозофија на Атлетико Мадрид и вели дека фудбалот е за мажи а не за девојчиња...



Под водство на Диего Симеоне, клубот од Висенте Калдерон игра аргресивен и цврст фудбал, кој минатата сезона им донесе триумф во Примера и финале од Лигата на Шампионите.
 
Во пресрет на градското дерби помеѓу Реал Мадрид и Атлетико Мадрид, Карло Анчелоти одби да ја критикува филозофијата која ја негува локалниот ривал, и истакна дека фудбалот е за мажи а не за девојчиња.
 
„Секој тим има сопствен стил” – рече тренерот на ’Кралевите’ на денешната прес конференција. „Атлетико има свој стил, игра интензивно и агресивно, но не е насилен тим”.
 
„Фудбалот е спорт за мажи а не за девојчиња”.
 
„И ние имаме сопствен стил и фолозофија, и нема да ја промениме. Нема да ја промениме бидејќи овој стил и филозофија ни донесоа добри резултати”.
 
Анчелоти исто така истакна дека се е во ред со Кристијано Роналдо, кој поради повреда беше изоставен од селекцијата на Португалија за квалификациите за ЕВРО 2016.
 
„Роналдо нема никакви проблеми, тренираше нормално. Тој е во оптимална физичка состојба”.
 
„Нема хронична повреда, минатата созона имаше една повреда сега друга”.
 
Запрашан кој владее со главниот град на Шпанија, Анчелоти одговори: „Не ми е гајле кој тим владее со Мадрид во овој момент, важно е кој ќе победи на крајот од сезоната”.
 
„Минатата сезона Атлетико беше главен во првенството, а Реал во Европа”.

Извор: 24FUDBAL.com.mk