Интернет порталот AskMen пишува дека Џони Деп (48) ја оставил Ванеса Парадис поради колешката Ева Грин (32).

Џони Деп и Ева Грин се запознаа на снимањето на филмот Dark Shadows на Тим Бартон, каде што, доколку му се верува на интернет порталот AskMen.com, се зближиле „и повеќе отколку што требало“.

Американскиот портал пишува дека „благодарение“ на Ева Грин, прекинала 14 години долгата врска меѓу Деп и Ванеса Парадис, како и дека актерот ги контактирал адвокатите за, покрај фактот дека не е во брак, да го реши прашањето за поделба на имотот и старателството над децата.

Ева Грин во филмот Dark Shadows ја игра Анџелика Бушард која го претвара Деп во вампир. Има играно во филмовите „Казино Ројал“ и „Сонувачите“.