По птичјиот и свинскиот, во Холандија се појавиле и првите знаци од нов грип, козји грип...

Медиумите објавуваат дека 2.300 лица заболеле од тој грип и дека шестмина до сега починале. Козјиот крип или Q грип ги напаѓа овците и козите, а се пренесува од животните и на човекот. Козјиот грип е предизвикан од бактеријата Coxiella burnetii, која се појавува кога има спонтан абортус на кози или овци.

Холандскиот министер за земјоделство потврди дека со вирусот се заразени 55 од 358 фарми и тоа најмногу во градовите Ајндховен и Тилбург. Според Dutch News од министерството е најавено дека заразените овци и кози се убиваат, се работи за 15.000 до 20.000 животни, и тоа повеќето кози.

Симптомите од новиот козји грип се тешки главоболки, потење, чувство на ладно, болка во мускулите, бавен пулс, и малаксаност. Болеста трае 14 дена, а оние на кои ќе ги зафати хроничен грип, можат да бидат заразени и до две години. Кај хроничниот козји грип, главниот симптом е умор.

Болеста исто така може да предизвика проблеми кај респираторните органи и срцето. Сите шест починати имале и други здраствени проблеми. Портпаролот на организацијата за заштита на здравјето Roel Coutinho, рекол дека епидемијата на козји грип е последица на агресивниот и брз раст на козјите фарми.