Научниците од Токио проучувале пештера со цртежи од целиот свет и дошле до заклучок дека мотивите на првите уметници се слични со оние кои настанале со вмешаност и влијание на дрога во современото општество...



Растенија што ги јаделе луѓето за време на нивните духовни обреди, најверојатно содржеле психотропни супстанции, кои предизвикуваат промени во функцијата на мозокот, пишува Дејли Меил.

Истражувачите Том Фрос, Александар Вудворд и Такаши Икегами, тврдат дека пештерските луѓе ги барале овие растенија со цел да им се прошири визијата за светот околу нив.

Според нивното истражување, човечкиот мозок создава одредени модели и форми кога е во состојба на изменета свест. Пештерските цртежи низ светот се стари околу 40.000 години и сите покажуваат слични модели и мотиви, кои не се неразбирливи и неповрзани со тогашниот свет или животната средина во која настанале. Сите овие форми и мотиви се слични со модерните тестирања на луѓе кои биле во состојба на изменета свест.

Тоа истражување заклучува дека пештерската уметноста е инспирирана од различни ритуали и халуцинации. Истражувачите додаваат дека пештерските луѓе извршувале ритуали кои вклучувале земање на дрога, за која верувале дека ги води на „духовно место“.

Пештерските цртежи настанати под такво влијание имале пошироко значење и важност во однос на останатите.