Иако е најмлада натпреварувачка во популарното шоу, веќе на првиот настап во живо ги воодушеви сите.

Ако уште немате слушнато за Ела Хендерсон, сега е вистинско време! 16 годишната девојка сите ги воодушеви со извонредните гласовни можности, а по настапот сите ја опсипаа со пофалби.

„Сите ги растури! На сите им покажа како се прави тоа“, ја пофали нејзината менторка Тулиса Контоставлос. „Фасцинантно... О, боже, имаш 16 години... чувството со кое што пееш е неверојатно“, рече член на жирито на X Factor, Гери Барлоу.

Младата Ела многу британски медиуми почнаа да ја споредуваат со Леона Луис која по шоуто изгради успешна кариера. Има само 16 години, а пред оваа млада талентирана пејачка стојат уште многу успеси. Едвај чекаме да ја слушнеме во следниот круг!