Популарната британска пејачка издала своја биографија во која искрено проговорила за својот живот, но и за работите, кои како што истакнала, денес жали...

24-годишната Тулиса Контоставлос во книгата 'Honest, My Story So Far', тврди дека денес жали што ја изгубила својата невиност на само 14 години и што толку рано конзумирала дрога.

"Имав премногу момчиња едноставно пребрзо. Жалам што ја изгубив невиноста толку рано. Да не почнав да се занимавам со музика, не знам каде ќе завршев. Но, и понатаму на прстите на рацете и нозете можам да избројам со колку луѓе сум спиела. Голем процент од нив се случија во периодот од 14-17 години, а ми се чинеше како голем број уште тогаш. Иако бев како мала уличарка, бев сосема обземена со идеата за романса од бајка. На момчињата им го давав "срцето на послужавник", затоа што мислев дека ќе добијам љубов за возврат. Секако, тоа не беше така, затоа што целото внимание и нежност кои ги добивав од машките беа само привремени, а ми требаше време да го научам тоа", напишала пејачката во својата книга.