Ретро костимите за капење се моден тренд ова лето...

Дизајнерите црпат инспирација од минатото, главно од 50-те години на минатиот век, во колекциите со костими за капење за претстојната летна сезона. Долниот дел на костимот за капење сега е со висок струк, а горниот дел се врзува со врвка околу вратот.

Сите модели имаат и лесен луксузен вкус, изострувајќи го нетрпението на дамите да парадираат со нив на плажите, околу базенот и забавите на јахти. Ако сакате навистина да изгледате како излезени од стариот Холивуд, комбинирајте го костимот за капење со црвен кармин. А бисерите се единствените додатоци кои ви се потребни.