Турските телевизииски серии ќе бидат заменети со серии од македонска продукција, најави министерот за информатичко друштво на Македонија, Иво Ивановски.

„Наскоро почнува јавна расправа за новиот Закон за медиуми, кој предвидува нови регулативи со кои, за жал на понежниот пол, ќе биде намалено прикажувањето на некои серии, како што се ‘Ифет’, ‘Езел’, ‘Илјада и една ноќ’, ‘Величествениот’ и други“, изјави Ивановски.

Турските серии во Македонија се емитуваат како најгледани термини, а македонската продукција во неатрактивни телевизиски термини, најчесто после полноќ.

Новиот медиумски закон предвидува дека 30% од емитувањата во термините од 8:00 до 20:00 часот да биде застапена македонска продукција, која во за време на 2014 година треба да изнесува 40% од вкупната програма, а во 2015 година 50% од истата.