Една жена лекарите ја прогласиле за мртва по породувањето, а недолго после тоа вработениот во мртовечницата слушнал викање и ја спасил...
„Прогласена сум за мртва во 11:45 часот по царскиот рез“ кажа жената која со телата во мртовечницата била заклучена цели два часа.
Иако инцидентот се случил пред речиси две години, жената и понатаму води судска битка со болницата во главниот град Кувати. Не само затоа што ја прогласиел за мртва, туку и затоа што за време на царскиот рез нејзиниот син го направиле хендикепиран.
Неименуваната жена раскажа дека веројатно не би го преживеала хоророт во мртовечницата без храна и вода, да не бил човекот кој го слушнал нејзиното врескање. Кога ја отворил вратата и видел дека е жива, веднаш ги повикал лекарите. Тие биле запрепастени, затоа што на нејзиниот сопруг веќе му дале посмртница.
Нејзиниот сопруг дома примал сочувство од семејството и пријателите кога заѕвонил телефонот. Се јавиле од болницата и му кажале дека неговата жена сепак е жива. Му кажале да побрзаат во болницата и со него да ја донесе посмртницата.
Жената во болница поминала 6 дена поради предвремени породилни болки, а потоа лекарите одлучиле да направат царски рез. Жената за локалните медиуми раскажала дека и дале три инекции поради кои дошло до крварење во материцата, устата и носот и итно ја однеле во операциона сала.
„Му се јавија на мојот сопруг и му рекоа да побрза во банката за крв и да ја донесе во болницата. Беше на пат кон болницата кога му се јавиле и му рекле дека сум умрела при операцијата и дека детето е во добра состојба. Прогласена сум за мртва во 11:45 часот, а лекарите на мојот сопруг му изразиле сочувство. Барале да ја потпише посмртницата и му дале копија за да може да ме закопа. Тој на пат кон дома го известил семејството и пријателите кои веќе почнале да стигаат дома и кога пак му се јавиле и му кажале дека сум жива и да ја врати посмртницата“, ракажа жената и додаде дека нејзиниот сопруг се вратил во болницата и ја нашол во многу тешка состојба.
„Беше шокиран кога ме виде. Ме праша што се случи, а јас му кажав како поминав два часа меѓу мртовци и како ме спаси вработениот. Подоцна дознав дека лекарите ми ја отстраниле и материцата. Откако сум пуштена дома мојот сопруг поднесе тужба против болницата и лекарите кои ми го сторија сето тоа мене и на мојот син. Случајот „лежи“ во судот речиси две години, а тие зборуваат дека уште се е под истрага. Никој од лекарите не е суспендиран, а човекот кој ме најде во мртовечницата веќе не работи во болницата. Едноставно исчезна, затоа што на судот веројатно не би сведочел во моја корист“ раскажа несреќната жена.
