Изгледа дека Бонд, Џејмс Бонд сака кога го допираат и мажи.

Половина век Бонд важеше за најмажествен филмски лик, заводник секогаш опкружен со убави жени, но во последниот филм Skyfall, агентот 007, откако соперникот Силва (Хавиер Бардем) ќе почне да го пипка, признава дека тоа не му е прв пат со маж...

NBC пишува дека во една сцена, Силва успева да го врзи Бонд за стол, а потоа му ја откопчува кошулата и ја вовлекува својата рака под истата, а потоа се спуштува на колена и вели: „За се постои прв пат“.

„Зошто мислиш дека ова ми е прв пат?“, му возвраќа Бонд.

Даниел Крег на конференцијата за новинари на прашањето за еротската сцена со мажот рекол дека не гледа ништо спорно во тоа затоа што тој, како и ликот кој го игра, луѓето не ги делат по никаква основа. „Силва е непријател на Бонд и се ќе направи само за да го уништи. Ја сакам таа сцена и секогаш ме насмева, а се надевам дека ќе ве насмее и вас“, изјавил Крег.

Хавиер додал дека со оваа сцена сакале Бонд да го доведат во непријатна ситуација во која тој одлично се снашол. „Силва е таков, тој сака да провоцира и сите да ги доведе во безизлезна ситуација“, објасни сопругот на Пенелопе Круз.

Што навистина се има случено меѓу Силва и Бонд ќе дознаеме во почетокот на наредниот месец, кога Skyfall ќе стигне во кино-салите ширум светот.